الشاعر محمد عامرو100 سالغه
المجموعة الأم: ROOT
میت سالفه
عندی مو موضوع اگوله
عندی میت سالفه
عیب بیه ماله طبه
لا طبیب یعالجه ولا عارفه
عیبی تدرون الصراحه
و منها یاما ناس عاشت خایفه
هم بعدشی باقی ظمه
وهم بعدنا نخاف چلمه الزالفه
تکشف المستور کلها
وصارت الاطفال تبصر شایفه
وبین حین وحین تسال بابا
لیش نخل اهلک حرامی حایفه؟
وبابا شو نخل جیرانه محد یبوگه
مدلی ثمره وهله کل گلوبهم متوالفه
ابنی یسال وانه ساکت
گلی شو ساکت یابابا
خاف چلماتی اعله گلبک ناشفه ؟
گتله لا یولیدی حچیک عسل کله
لاکن انه العمر خلصته بمذله
وهای جیرانک الیمک علی تنظر اسفه
تدری لیه یولیدی ما نکسر الخاطر
لئن شربناهامضغه
ونامت بهمه الضمایر
وبعد یولیدی ارد اگلک
های جیرانک الیمک
اید بید حزام واحد صافه
لاکن احنه هل تشوف الحال یبنی
اثنین ماتلگه اعله رای
او واحد یزت اعله الاخر
بالمحاچجی الجایفه
ونبگه یا بابااعله های الحال کلنه
رحمه ما بگلوبنه ونرحم بعضنا
ونبگه نلبس بس دشادیش
وچفافی البیض بابا
بس تحتها گلوب سودمشتته ومتخالفه
تاريخ آخر تحديث: الثلاثاء, 09 نيسان/أبريل 2013 21:24
الزيارات: 77
ابوذیات للشاعرة سهام الکعبی
المجموعة الأم: ROOT
ابوذیات
تـرف يالـملمـسـك نـاعـم ينازاك
الدفـن واجـب لـون تـكـتل ينازاك
لمحتك كالگطه و حاسب ينازاك
اصيـاحي و من درت نـزيـت اليه
الوكت بيت الحزن گلبـي بناباه
ابقساوه و مـوت يلفيني بناباه
سطرني و رد علي كشر بناباه
طحـت لچـن گمـت حيلـين بيه
چــوانـيـن التــجــافي وينهنه
دليلي او گـام ينـشـد وينهنه
فـرج مــامـش يـربـي وينهنه
الحزن و ايگرگد الفرحات اليه
روحى اعله الشجن عاده بهلهه
شبيه الشاجيه او تندب بهلهه
او علي يوم الهلي شالو بهلهه
عيني غوركت و انطفت بيه
حسافـه العـمر تـم بالهـم وليلي
و افل ما هل نجم سعدي وليلي
يـمـر لـيـل الخـلي حـافـل وليلي
يـمـرنـي اتـگـول نـافـخ صـور بيه
وحك فارس حرب صفين وحنين
عليكم ون نخلـص اللـيل وحنين
صفيتو ويـن يالمـجـفيـن وحنين
ابغـربه و الطــروش اگـطـعــو بيه
وحك اللي خلق كلشي من الما
دليلي مـا شچـه بهجرك من الما
نحول الصابني و ضعفي من الما
رضـه و عـارض صـفـه بهواك اليه
و اني لاهوى النوم في غير حينه
لـعـل لـقـاء فــي الـمــنـام يـكـون
مـثـل مـا گلبي بات ابحزن هلبت
گـلـبـك، و الـبـقى بـجـفـاك هلبت
هـويـت ابـغــير حيـنه النوم هلبت
انتلاگه ابطیف و احچي الصار بيه
تــنـام ابليلـهه الــوادم وناحاي
اون و ونيني مـا يبـطل وناحاي
تعال الحك علي خايب وناحاي
گـبـل لا يـســري اليــنــاز بـيه
عليك الليـل اخلـصه ونيـن كفخات
التون و ابوني احس الروح كفخات
من گد مـا شبعني الوكت كفخات
اصبحت چزه امن اشوف الزاد بيه
تلى بـآي المصايب وايسانه
العدو و الاخو ميـّس وايسانه
بيا مـذهـب هـجرنه وايسانه
التحله و تفـتي بهـاي الاذيه
انعـوج من گـد كراب الصـخـر مسحاي
متت و المسني ها شيگول مسحاي
اوعـلي گـد مـا كـثـر للـدمـع مسحاي
احـس لـخــدودي حـســرة صـبـخ بيه
لعــدحـده اليـجــور اعليك وجفه
ولا تشكي الهظم و الظلم وجفه
طبــع بالمـــات بينه ايموت وجفه
مثـــل طبـــع النـخل نملك حميه
شمل كــل الجـــوارح داي شات ال
شمل و اسهام اسى بالروح شاتل
شمل و الحال صـاير حال، شات ال
كــلاه الـذيــب ابــد مــالاش ديه
يـروحي الصـابـچ بـغـدره شصابیچ
مثل سمچه و ترك عایل شصابیچ
نشف عیـناي واهسهن شصابیچ
یـدمعه و یـاهــو یــسـوه بهـالدنیه
زمـانـي، اكتـب بـوذيه وحسباهات
او تچاشف لون فرحي وحسباهات
انه امـن افـتـح دلـيلي وحسباهات
او علـي حـتى الحـديـد ايلـين اليه
تاريخ آخر تحديث: السبت, 06 نيسان/أبريل 2013 22:22
الزيارات: 75
ابوذیات الشاعرابونجم الصابئی
المجموعة الأم: ROOT
ابوذیات
اچمل صبر البکاسی شرابای
الحبیبی الباعنی وغیری شرابای
بعد شتنطر الدربه شرابای
مشه الغیری ونکر طیبات بیه
بغیابک شرد الم دمعی شکت لا
فضحنی وما اجت روحی شکت لا
شلم احساسی من حبک شکتلا
بعدنی ویل منام تعن علیه
الحبک لو عفت دینی وبشراک
ما اتوسفه العینک وبشراک
اخبرک یا حلو بیه وبشراک
صبح حبک عقیده ودین الیه
انکطع حبل الوصل بیهم شفتلا
انگطع ولشامت بتسمت شفت لا
رجعت وگلت تتصلح شفت لا
غلط ارجع لهل ذات الردیه
تاريخ آخر تحديث: الجمعة, 05 نيسان/أبريل 2013 21:05
الزيارات: 62
الشاعرمهدی سعیدالحیدری
المجموعة الأم: ROOT
السراب
تیهتنی من حرثتی البیهه ماشی اعلی الصواب
او عیشتنی احلام وردیه ابکثر مای السراب
او مو بدیه
ضاعت الحسبه علیه
ما عرفت الذنب ذنبی لو برئ
واللی یمشی ابشور خله فعله صائب لو مسئ
بعد ما ضل ای عتاب
تیهتنی من حرثتی البیهه ماشی اعلی الصواب
چنت ارسمنک شمس
و چنت اعدنک درس
او کلنی اذنن صاقیه الصوت الهمس
بعد ما عندی جواب
تیهتنی من حرثتی البیهه ماشی اعلی الصواب
چنت اشوفن شوک حبک چن ورود الیاسمین
او چنت افیضلک مشاعر لحد ما گلبک یلین
هاذی مو طبع المحبه دوم تترکنی حزین
انسدت البیبان کلهه بعد ماضل عندی باب
تیهتنی من حرثتی البییهه ماشی اعلی الصواب
او عیشتنی احلام وردیه ابکثر مای السراب ؟؟؟
تاريخ آخر تحديث: الأربعاء, 03 نيسان/أبريل 2013 13:07
الزيارات: 43
الشاعرابوشروق الطرفی (لیلی ومجنون)
المجموعة الأم: ROOT
تاريخ آخر تحديث: الثلاثاء, 02 نيسان/أبريل 2013 18:26
الزيارات: 501